CAGAYAN DE ORO CITY, Philippines – Namatay na sa edad 86 si kanhi Commission on Election Commissioner Virgilio Garcillano.
Segun sa pamilya, kalit nga natumba ang ilang amahan sulod sa ilang pansayan, ug nawad-an sa panimoot, niadtong Sabado sa gabie.
Ang lawas ni Garcillano, gihaya sa ilang farmhouse sa Barangay Imbatug, Baungan, Bukidnon.
Human sa iyang pagkakomisyoner, nagsilbi usab kining opisyal sa maong barangay.
Niadto, nahimong kontrobersyal ang posisyon ni Garcillano sa Comelec dihang malambigit kini sa “Hello Garci” wire tapping controversy tali kang kanhi Presidente Gloria Macapagal Arroyo, tuig 2005.
Mahihumduman nga daghan ang milaum nga mudaug sa pagkapresidente si kanhi action star Fernando Poe Jr, sa 2004 election apan, tungod sa kontrobersiya, si Arroyo ang gideklarar nga mananaug sa poll body.
