Ex-convict gipatay tungod sa love triangle?

CAGAYAN DE ORO CITY – Gipusil-patay ang kanhi binilanggo mismo sa tugkaran sa ilang pinuy-anan sa Zone 6,Brgy Bugo ning syudad.

Giila ang biktima nga si Herman Patalinghog, 47-anyos,ulitawo nga nagpuyo sa maong lugar.

Gibutyag ni Police Major Abdul Alim Sumandar,hepe sa Puerto Police Station nga gipusil ang biktima sa usa ka suspek gamit ang kalibre 45 ug miresulta sa kamatayon sa biktima.

Miingon si Sumandar nga may nadawatan nang bahad si Patalinghog kinsa kanhi piniriso tungod sa kasong pagmaligya sa droga sa Misamis Oriental.

Gipangita na sa mga otoridad ang mga suspek nga responsable sa kremin.

Samtang, nagtoo ang pamilya sa biktima nga love triangle ang hinungdan sa pagpusil-patay sa ilang kabanay.

Miingon si Helen Patalinghog,igsoon sa biktima nga but-an nga tawo si Herman ug wala siya’y nahibal-an nga kontra niini.

Asoy pa niini nga dili unta angay patyon ang iyang igsoon gumikan lamang sa maong rason.

Giangkon ni Gng Patalinghog nga kanhi tiggamitan sa shabu ang iyang igsoon hinungdan nga nadakpan sa kapolisan sa lungsod sa Tagoloan,Misamis Oriental sa nanlanbay’ng katuigan.