CAGAYAN D EORO CITY – Mag-atubang sa kasong pagbaligya sa ilegal nga droga ug pagkubot sa armas nga walay dokumento ang 22 anyos nga lalaki sa piskalya ning syudad.
Namahayag si Cagayan de Oro City Police Office spokesperson Lt Col Evan Viñas nga nadakpan ang tinagua’g ngalan nga suspetsado dihang nakig-transaksyon sa mga sakop sa City Drug Enforcement Unit sa buy-bust operation sa Zone 10, Upper Carmen ning syudad.
Miingon Viñas nga nabawi sa CDEU operatives gikan sa dinakpan ang walo ka plastic sachets nga dunay sulod nga gitoohang shabu diin nagtimbang sa 180 gramos ug bana-banang balor sa halos 900-mil pesos.
Gawas sa ilegal droga,nabawi usab ang caliber 357 revolver kuyog ang tulo ka bala ug buy bust money nga libo ka pesos.
Nasuta nga kanhi na binilanggo o ex-convicted tungod sa kasong grave threat apan nasilbihan na niya kini sugod tuig 2019.
