CAGAYAN DE ORO CITY – Nadakpan sa laing higayon ang ex-convicted sa kasong ilegal drug case sa pagbaligya sa gitoohang shabu sa gilusad nga operasyon sa kapolisan sa Purok 12A, Poblacion, Valencia City, Bukidnon.
Giila ang dinakpan nga si alyas Boy Gahi,29 anyos nga nagpuyo sa Purok 3B, Kahaponan sa maong syudad.
Subay sa imbestigasyon, nabawi sa kapolisan atol sa buy bust operation ang 30 gramos nga gitoohang shabu nga dunay bana-banang balor sa 209-mil pesos.
Gawas sa nabawi nga ilegal nga droga, nakompiskar usab gikan sa suspek ang kalibre 45 nga armas,magazine sa maong armas ug ubang mga ebedensiya.
Nasuta nga kanhi nag-atubang sa illegal drugs case diin mi-avail sa plea bargaining ug ang ikaduha nga susamang kaso ang nasilbihan gyud niini kay nadutlan sa pagdungog sa korte.
