CAGAYAN DE ORO CITY-Mahalon nang klase sa gitoohang shabu ang nakompiskar nabawi sa kapolisan sa kanhi piniriso nga mibalik sa iyang trabaho isip tigpayuhot sa ginadiling druga ning syudad.
Namahayag si Macasandig Police Station commander Sr/Insp Julius Saluta nga giila niya ang ilang target nga si Lemer Mirontos, 38 anyos, minyo ug molopyo sa Brgy. Camaman-an sa syudad.
Kaubang nadakpan sa maong suspek ang usa ka pintor nga giilang si Dexter Rosales, ulitawo ug lumad ng taga Cebu City.
Napalitan ang duha sa usa ka sachet sa gitoohang shabu nga nagbalor sa P500.
Atol sa body search narekober gikan sa mga suspek ang laing tulo ka mga pakete sa shabu.
Gibana-bana nga kapin P2-mil ang nabawi nga ilegal nga druga sa duha ka dinakpan.
Una niini,nangayo’g pasaylo ang drugista nga si Mirontos sa iyang kapikas uban sa mga anak niini sa sala nga iyang nahimo.
Iya usab gi-angkon nga gikan sa Brgy. Puntod ang iyang supplier sa druga.
