CAGAYAN DE ORO CITY – Gusto nang magbag-o ug mabalik sa normal ang kahimtang sa kinabuhi rason gisalikway sa kanhi kumander ang armadong pakigbisog sa Community Terrorist Group o CTG nga naglihok sa Bukidnon.
Kini human nahukman ni alyas Tonying,28 anyos nga taga-Sunnyday,Brgy Butong, Quezon,Bukidnon nga dili na magpailad pa sa iyang nasudlan nga grupo diin tungod niini daghan kini’g nahimo nga kreminalidad.
Gibutyag ni Police Regional Office 10 spokesperson Major Joann Navarro nga napasayon ang pagtaha’g balik sa gobierno si Tonying tungod sa paningkamot sa Bukidnon 2nd Provincial Mobile Force Company sa Purok Mauswagon,Brgy Pinamaloy,Don Carlos.
Siya miingon nga nasuta sa lower troops nga nagsilbing ABE team leader squad 2 sa Sub-Regional Committee 2 sa North Central Mindanao Regional Committee si Tonying.
Apan sa pagtahan usab sa iyang kauban balik sa gobierno, naka-desisyon kini nga biyaan sa hingpit ang maong kalihukan.
Hisayrang kabahin sa mitabang sa pagpabalik sa maong kanhi rebelde ang mga operatiba sa DI-MAPIO,Quezon Police Station,Bukidnon Provincial Intelligence Unit ug 1003rd Company sa Regional Mobile Force Batallion 10 diin bitbit ang kalibre 45 nga armas.
