CAGAYAN DE ORO CITY – Gikonbikto sa korte sa kasong pagsupak sa Dangerous Drugs Act of 2002 ang abogado nga kanhi nagsilbi nga legal officer sa Dept of Agrarian Reform o DAR 10 nga unang nadakpan sa entrapment operation sa PDEA-10 ug Cagayan de Oro City Police Office sa mismong balay niini sa Paz Neri Street,RER Subd,Brgy Kauswagan sa syudad.
Kini human pakana-ugi sa hukom ni RTC Branch 25 Presiding Judge Arthur Abudiente ang sad-an sa maong kalapasan si Atty Mario Jay Pielago,54 anyos nga residente sa dakbayan.
Nadakpan si Pielago sa panahon pa sa liderato ni PDEA Dir – Gen Wilkins Villanueva nga nagsilbi pa kining regional director dinhi sa rehiyon niadtong Enero 24,2018.
Dumduman nga nakuhaan sa 18 gramos nga gitoohang shabu si Pielago hinungdang mag-atubang sa taas nga katuigan sa pagkabilanggo.
Moduso usab sa otomatikong apelar ang kampo sa konbiktado sa korte kabahin sa napakanaug nga hukom batok kaniya.
