CAGAYAN DE ORO CITY, Philippines – Gihukasa’g maskara ni Surigao del Sur’s 2nd district Rep. Johnny Pimentel ang giilang mga kurakot nga opisyal sa Department of Education.
Sa gilusad nga hearing sa House Committee on Good Government and Accountability, gipamatud-an ni Pimentel nga gisipa sa puwesto si DepEd Undersecretary Epimaco Densing tungod kay nangontrata kini sa mga kongresista aron makakuhag komisyon sa itukod nga mga school buildings sa ilang mga distrito.
Gipamatud-an ni Pimentel nga usa siya sa target kolektahan sa komisyon ni Densing, gamit ang iyang middleman.
Gitapos ni Pimentel ang pagkuwestiyon sa posisyon ni Densing pinaagi sa pag abiso kaniya nga dili na mubalik sa public service kay ilado kining dakung kawatan sa kaban sa katawhan ug bakakon.
