CAGAYAN DE ORO CITY – Napiangan pa ang kalihukan sa Dawlah Islamiyah -Maute Group o DI-MG dihang napatay sa 51st IB,Philippine Army ang suspek nga gikaintapang lider ug daghan na’g mga kaso sa kagamhaman sa Lanao del Sur.
Kini human nahinaykan si Nasser Daug kay misukol ang iyang grupo ngadto sa hiniusang operasyon sa mga pulis ug mga sundalo sa batok kaniya kinsa gitudlo nga namomba usab sa MSU-Marawi diin daghan ang namatay sa Disyembre 2023.
Miingon si Philippine Army spokesperson Col. Louie Dema-ala nga nagsilbing top target diay kini sa periodic status report ang suspek.
Siya miingon nga tungod sa kamatayon ni Daug, apektado usab niini ang gitawag nila nga Islamic State (IS) East Asia network.
Nabawi gikan sa napatay’ng terorista ang Colt M16A1 rifle, 92 rounds of 5.56mm ammunition, 3 steel magazines, ISIS flag, personal belongings sama sa backpack, three cellphones ug Baofeng radio
Una nang dakong bahad ang grupo sa Marawi City ug ubang kalungsuran sa Lanao del Sur tungod sa angkon nila nga talagsaong abilidad sa computer
