CAGAYAN DE ORO CITY – Sang-atan sa kasong pagsupak sa Comprehensive Dangerous Drugs Act of 2002 ang kanhi drug surenderee sa piskalya sa Iligan City.
Kini human subli nabingwit sa gilusad nga buy-bust operation sa Iligan City Police Office’s City Drug Enforcement Unit ang suspek nga si alyas Ornok,34 anyos nga taga-Brgy Del Carmen diin gikonsidera nga high value individual/HVI.
Sumala ni Police Regional Office 10 spokesperson Major Joann Navarro nga nakuha sa ilang operating troops ang 100 gramos nga gitoohang shabu nga mikostar sa 680-mil pesos ug ubang drug paraphernalia.
Namahayag si Navarro nga subay sa intelligence monitoring sa CDEU ug Intel Operative of PS1-ICPO nga naglihok ang dinakpan sa tibuok syudad sa Iligan.
Nasuta usab nga naggikan sa Brgy Tambacan sa maong syudad ang droga nga gigamit sa suspek pagbaligya sa iyang mga nagsilbing parokyano.
