CAGAYAN DE ORO CITY – Gipusil-patay sa wala mailang suspetsado ang giingong financier sa ilegal nga suwertres sa NHA ,Brgy Kauswagan ning syudad kaganihang kadlawon.
Giila ni Police Staff Seargent Hernandez Abalde, imbestigador sa Carmen Police Station ang biktima nga si Rolly Mahistrado, hingkod ang panuigon,minyo ug molopyo sa maong lugar.
Miingon si Abalde nga padayon pa nilang giimbestigaran ang hitabo aron masuta ang motibo ug responsable sa krimen.Nahiagom sa daghang mga igo sa bala ang biktima hinungdan sa kamatayon niini.
Giimbestigaran pa sa kapolisan ang maong hitabo.
