Bukas ang “Alyansa para sa Bagong Pilipinas” alang kang senator re-electionist Imee Marcos.
Gibutyag ni Presidente Ferdinand Marcos Jr nga kanunay andam ang ilang alyansa aron dawaton ang iyang pagtambong sa ilang campaign sorties bisan nga mi-deklarar na kining mudistansya sa alyansa.
Gitataw ni Marcos nga gitahud niya ang desisyon sa iyang kamagulangang igsoon nga magkinaugalingon.
Una niini, sobra ka bonga ang political gimmik sa presidential sister sa pagfile sa iyang sertipiko de kandidatura.
Nagdala kining banda ug nagmartsa pasulod sa filing center sa COMELEC- Manila.
Kauban sa senador sa ang iyang inahan nga si kanhi First Lady Imelda Marcos ug duha ka mga anak nga lalaki kinsa gitumbok niyang mga “lucky charm”.(Bombo Anne Quileste).
