CAGAYAN DE ORO CITY – Nagmasulub-on ang Gingoognons sa taho nga namatay ang ilang kanhi alkalde nga si Marie de la Guingona.
Kini subay sa pagsaysay sa ilang inahan nga si kanhi Gingoog City Mayor Ruthie de lara Guingona ning buntag lamang.
Wala na mohatag sa dugang impormasyon ang kanhi mayor dihang gikoordinar kini sa Gingoog City-based media practitioners kabahin sa masulub-on nga hitabo.
Si Marie ang kanhi nagdumala sa Gingoog City isip hulip sa iyang inahan nga si Ruthie nga nagsilbi sa tulo ka termino ayha alkalde ug misulod na dayon ang kasamtangang pagpadagan sa mga kalihukan ubos ni re-elected City Mayor Eric Cañosa.
Wala pa’y gilugwa nga opisyal nga pahayag ang pamilya Guingona ug De lara kabahin sa gidangatan sa kanhi-mayor.
Apan sa social media page sa kanhi mayor,nagbaha na ang mga mensahe pakigduyog sa kasub-anan sa pamilya nga nagbangutan ning tungura.
Hisayrang wala matago sa mga Gingoognons nga naghambin sa seryosong sakit ang kanhi nila alkalde diin sila makadaghang higayon nagpaabot sa ilang pag-ampo nga unta kini makalinggawas batok niini.
