CAGAYAN DE ORO CITY – Giimbestigaran sa kapolisan kon nalambigit ba sa transaksyon sa illegal nga droga ang kanhi jeepney conductor sa Purok 4,Sitio Bukana,Brgy Bugo ning syudad.
Subay sa ig-agaw nga si Ronel Tapang,giila ang biktima nga si Gil Tabang nga taga-Zone 6,Sitio Balite,Brgy Bugo.
Gibutyag ni Puerto Police Station commander Major Satino Labitad nga walay bisan unsa nga criminal record ang biktima apan mohimo sila’g dugang imbestigasyon nunot sa narekober nga duha ka sachets nga adunay sulod nga gitoohang shabu.
Miingon si Labitad nga gihimuan pa nila sa dugang imbestigasyon kon nganong nakaabot sa maong awa-aw nga lugar ang biktima ug nagbaton sa lima ka pinusilan sa armas ang dughan nga posibleng hinungdan sa kamatayon niini.
Una nang gisaysay ni Ronel nga nangita’g kuwarta ang iyang ig-agaw rason nga gibaligya niya ang grinder.
Apan narekober sa crime scene ang grinder ug ang gitoohang drogang shabu.
Nasuta usab nga pulos na patay ang mga ginikanan sa biktima ug kini nagbaton sa kaipon.
Sa pagkutlo ning balita, anaa na sa Bollozos Funeral Homes ang patay’ng lawas sa biktima.
