CAGAYAN DE ORO CITY-Gisilutan sa Sandiganbayan Special Seventh Division ang kanhi mayor tungod sa kasong kurapsyon sa Lanao del Sur.
Guilty sa kaso nga violation of Section 3(e) of Republic Act 3019 or the Anti-Graft and Corrupt Practices Act si former Binidayan Mayor Aman Misbac Datumulok tungod sa anomaliyang pagpalit sa heavy equipments niadtong 2008.
Si Datumulok ang nag-atubang sa silot nga 6 hangtud 10 ka tuig nga pagkabilanggo ug diskwalipikasyon sa paghupot pampublikong buhatan.
Mismo ang igsoon nga lalake sa kanhi mayor ang nagpasaka’g kaso niini human magpalit sa usa ka Volvo Dump Truck nga nagkantidad sa P11 million ug usa ka Volvo Wheel Loader nga P9 million nga walay public bidding.
