CAGAYAN DE ORO CITY-Giimbesitagaran sa kapolisan ang kamatayon sa kanhi brgy kapitan nga igo na lamang nakit-an sa Brgy Ubaldo Laya,Iligan City.
Kini human giputos na lamang sa carpet ug panapon ang biktima nga si Abulkhari Radia,hingkod ang panuigon nga nakit-an sa maong lugar.
Namugos usab ang ig-agaw sa biktima nga si Omar Radia nga dili dautang tawo si Radia kinsa kanhi punong brgy sa Brgy Lilod sa Marawi.
Nakit-a ang lawas sa biktima tupad ang karatola diin nakasulat ang mga pasangil nga kini nalambigit sa rape,kidnapping ug pagbaligya’g gidiling droga.
Nasayran nga gilansang pa sa dughan ang mga kamot niini dihang nadiskobrehan nga unang nadala sa Mary Venus Funeral Homes Iligan City.
