CAGAYAN DE ORO CITY-Mosang-at sa piyansa ang kampo ni kanhi Marawi City Mayor Fajad Pre Salic batok sa kasong rebellion nga gipasaka sa korte ni RTC Branch 39 Presiding Judge Emmanuel Pasal ning syudad.
Kini aron temporaryo nga gawasnon si Salic samtang dunggon ang tulo ka ihap sa kasong rebellion sa korte.
Gibutyag sa chief legal counsel ni Salic nga si Atty Dale Brian Mordeno hayan dunggon ang kaso niini sa Setyembre ning tuiga.
Si Salic giakusahan nga suporter sa grupong ISIS-Maute hinungdan gisikop atol sa checkpoint sa Misamis Oriental sa miaging semana.
