CAGAYAN DE ORO CITY -Samaron ug napalibutan sa gatusang armadong pundok si kanhi Marawi City Mayor Omar Solitario Ali sa lungsod sa Tangcal,Lanao del Norte.
Kini subay sa intelligence report gikan sa militar nga nakuha sa Bombo Radyo.Dugtong niini,gilayong mihimo sa pakisusi ang kapolisan aron pagsuta sa presensiya ni Ali aron sikopon sa maong lugar.
Apan gibutyag ni Lanao del Norte Provincial Police Office spokesperson C/Insp Cheryl Balderama nga nagpadayon ang ilang pagsusi sa impormasyon ilabina nga wala kini ma-intercept nga impormasyon sa intelligence group sa PNP.
Hinoon,pabiling nakaisa ang taas nga alerto sa kalungsuran sa Lanao Norte ilabina nga 33 kilometros lamang ang ilang distansya gikan sa kagubot sa Marawi City.
