CAGAYAN DE ORO CITY – Napatay sa hiniusang operation sa PNP ug NBI operatives si kanhi Tagoloan 2 Mayor William Comayog Gandawali kinsa naila nga suspected criminal group leader nga utok pag-ambush -patay sa lima ka agents sa PDEA-BARMM sa lungsod sa Kapai,Lanao del Sur tuig 2018.
Kini human nagdumili magpadakop ug misukol si Gandawali kinsa aktibong brgy kapitan usab sa dihang gisilbi ang warrant of arrest batok kaniya sa ilang hideout sa Purok 5,Barangay Pilintangan,Wao,Lanao del Sur sa miaging semana.
Gibutyag ni PDEA BARMM Regional Director Rogelito Dacula nga padulong pa lang ang tropa sa PNP ug NBI-IIigan District Office sa lokasyon,gilayon nang mipaulan sa mga bala sa M-16 rifle si Gandawali hinungdang samaran si Police Patrolman Raul Asilum sa pagsinukliay sa mga bala.
Apan,naigo usab si Gandawali ug gidali pagdala sa ospital apan patay na kining naatiman sa mga mananambal.Dakpon unta sa mga otoridad ang akusado kay may mga kaso kining kasupakan sa Comprehensive Laws on Firearms and Ammunitions ug pag-ambush sa mga ahente sa PDEA-BARMM.
Narekober sa crime scene ang M79 grenade launcher; M16A1 caliber 5.56mm elisco with serial No. KP224369; two-way radio color red; white keypad Samsung phone; mga bala sa 5.56 mm live ammunition; duha ka 40mm grenade launcher ammunitions ug ubang mga ebedensiya.
Gilayong gilubong ra usab dayon ang akusado subay sa kustombre sa pagtoong Islam sa maong lugar.
