CAGAYAN DE ORO CITY – Mag-atubang sa kasong money laundering ang kanhi municipal mayor ug ang shipper sa 5-mil 997 kabuok sa tag- one trilliones dolyares nga salapi sa Zimbabwe nga unang nasapon sulod sa airport sa Laguindingan,Misamis Oriental.
Kini kon mapakyas nga makapresentar sa mga dokumento diin nagmatood nga legal ang pagbaton nila sa maong kantidad sa salapi.
Miingon si Police Col Raniel Valones,hepe sa police aviation authority sa Civil Aviation Authority of the Philippines o CAAP Northern Mindanao nga nangayo na usab sa laing adlaw ang wala una panganli nga kanhi mayor aron maka-presentar sa mga papeles sa maong nabawi nga salapi.
Nasayran nga anaa sa 124-mil pesos ang inisyal nga kantidad sa Zimbabwean dollars nga unang gipatoo nga mga basura samtang gipaubos sa x-ray machine sa Laguindingan Airport sa miaging semana.
