CAGAYAN DE ORO CITY – Gitakdang dad-on sa PNP-CIDG sa Sandiganbayan 7th Division si kanhi Mahinog Mayor Alex Jajalla gikan sa probinsya sa Camiguin.
Kini human unang gimando sa korte ang pagsikop sa 62 anyos nga kanhi mayor tungod sa kasong pagsupak sa Republic Act 3019 o Anti-Graft and Corrupt Practices Act.
Gikustodiya si Jajalla sa prisohan sa Mahinog PNP gikan sa pagsilbi sa warrant of arrest batok kaniya samtang anaa sa ilang pinuy-anan sa Barangay Hubangon kaganihang hapon.
Nahukman sa korte sa unom ka tuig nga pagkabilanggo si Jajalla tungod sa pag-aprobar sa 6th months leave with pay sa iyang igsoon nga nagsilbi niyang security aide niadtong tuig 2008.
