(Update) CAGAYAN DE ORO CITY-Nasikop sa kapolisan si kanhi Marawi City Mayor Fajad Pre Salic samtang sakay sa
iyang sakyanan pag-abot diha sa Brgy San Martin,Villanueva,Misamis Oriental kagabii.
Gibutyag ni PNP regional spokesperson Supt Lemuel Gonda nga giaresto si Salic tungod sa kasong rebelyon nunot sa nahitabo nga pag-atake sa mga terorista sa Marawi City.
Padulong sa syudad si Salic dihang gisita kini sa kapolisan sa Misamis Oriental Provincial Police Office nga naglusad sa road checkpoints kagabii.
Si Salic ang unang gikausahan nga tipik sa nagpaluyo sa mga teroristang Maute ug Abu Sayyaf Group nga nakig-engkuwentro sa militar sa Marawi City.
Kini ang hinungdan nga gimando ni Martial Law Administrator Defense Secretary Delfin Lorenzana nga kabahin si Salic sa 20 ka personalidad nga ipasikop.
Kontrobersyal usab si Salic tungod sa paglambigit kaniya ni Pres Rodrigo Duterte sa pagpayuhot sa ilegal nga
droga samtang mayor pa sa Marawi City.
Dugtong niini,gihimakak ni Salic nga nalambigit siya sa maong kagubot kay atol sa hitabo atua na kini sa kauluhan.
