CAGAYAN DE ORO CITY-Gihatag ni Macasandig Brgy Kagawad Richard Nixon Baban ang iyang suporta alang sa kandidatura pagka-mayor ni Dept of Agriculture o DA Undersecretary Pompee La Vinia sa 2019 midterm elections sa syudad.
Kini human gisibog ni Baban ang iyang kandidatura pagka-mayor aron ihatag ang suporta kang La Vinia nga posibleng modagan pagka-mayor batok kang Moreno.
Miingon si Baban nga mas gusto niya si La Vinia ang mahimong bag-ong mayor kay walay mantsa sa kurapsyon ang pagkatawo.
Si Baban ang kabahin lamang kuyog nila ni Ben Contreras ug Felix Borres nga nagtinguha pagdagan pagka-mayor batok Moreno sa taliabot nga piliay sa dakbayan.
Samtang dili balibaran apan atubangon ni City Mayor Oscar Moreno ang kandidato nga i-atbang sa Padayon Pilipino-Hugpong ng Pagbabago sa 2019 midterm elections sa syudad.
Kini human gituboy ni kanhi City Mayor Vicente ‘Dongkoy’ Emano ug kanhi Cong Rufus Rodriguez si Dept of Agriculture o DA Undersecretary Pompee La Vinia nga moatbang batok kang Moreno.
Miingon si Moreno nga unta dili maapektuhan ang pagka-higala nila ni La Vinia kon ihinayon niini nga sila ang lig-on nga magkaatbang sa piliay sa syudad sunod tuig.
