CAGAYAN DE ORO CITY – May gisunod na nga mga suspek ang kapulisan sa pagpusil sa usa ka bise mayor sa Esperanza, Bacolod, Lanao del Norte.
Sumala ni Sr/Insp. Salvan Saad sa Lanao del Norte Provincial Police Office Police anaa na sa ilang kustodiya ang gidudahang mga suspetsado nga nagtinguha pagpatay kang Nacianceno Pacalioga Jr, 57 anyos, minyo, kanhi bise mayor sa Dumingag, Zamboanga del Sur.
Asoy ni Saad nga dako ang ilang pagtoo nga dugay na nga gisulayan sa mga suspetsado nga patyon ang biktima ilabina nga dili nila kini madali-dali sa pagpatay tungod kay bullet proof ang sakyanan niini.
Una nang girapido sa mga armadong suspek ang biktima samtang mikanaug sa iyang sakyanan aron mangihi sa awa-aw nga lugar sa Esperanza kagahapong adlawa..
