CAGAYAN DE ORO CITY-Kuhaon sa PNP officials gikan sa Tawainese police ang wanted person nga si resigned Misamis Occidental board member Ricardo ‘Ardot’ Parojinog samtang nagtagu-tago sa Pingtung County,Taiwan kagabii.
Si Parojinog ang 10 ka bulan nagtagu-tago sukad ang dugu-ong pag-raid sa PNP sa ilang mga pinuy-anan diin gikamatay sa 16 ka tawo nga naglakip sa iyang duha ka igsoon nga si Ozamiz City Mayor Reynaldo ‘Aldong’ Sr ug Octavio Parojinog sa Ozamiz City sa Hulyo 30,2017.
Si Pres Rodrigo Duterte ang unang nagmando ipasikop patay man o buhi si Parojinog diin may patong pa sa ulo nga 5 milyon pesos tungod sa daghang atraso ilabina sa gidiling droga ug dagkong mga kremin sa nasud.
Sa miaging duha ka semana,gi-ronda sa mga otoridad ang hotel ug security agency ni Parojinog diin nakuha ang minilyong balor sa shabu ug daghang mga armas.
Dugtong niini,giawhag karon ni PNP regional director C/Supt Timoteo Pacleb ang tanang sakop sa wanted person nga si Parojinog nga motahan na sa balaod.
Gihimo ni PNP regional spokesperson Supt Lemuel Gonda ang pagdani nunot sa pagkasikop ni Parojinog.
Miingon si Gonda nga mag-agad sila sa mahimong hukom sa ilang kadagkuan kon asa angay e-detain si Parojinog nga akusado sa ubay-ubay’ng kaso sa nasud.
Si Parojinog ang una nang gimando ni Duterte ang dinaliang pagpasikop niini kay sila ang giingong tinubdan sa ilegal nga droga sa Misamis Occidental ug ubang bahin sa nasud.
