CAGAYAN DE ORO CITY – Kumbiktado ug gimando sa Sandiganbayan 2nd Division nga prisuhon sa unom ngadto 10 ka tuig si kanhi Misamis Occidental District 2 Loreto Leo Ocampos kuyog ang laing duha ka akusado.
Matud sa gilugwa nga hukom ni Sandiganbayan Associate Justice Edgardo Caldona nga gipahamtang ang hukom batok Ocampos ingon man Jamie Ann Linsangan ug Josefina Candole sa Rich Islas de Filipinas Foundation Incorporated gumikan sa akusasyon pagwaldas sa priority devt assistance funds o PDAF tuig 2013.
Nagsumikad sa Ombudsman ang reklamo nga nasang-at tuig 2022 diin nag-akusar kang Ocampos nga nag-abusar sa paggamit sa iyang PDAF pinaagi sa pagpatuman sa gipatoong livelihood project nga gipasilitar sa RIDFFI apan dakong bakak.
Kini ang rason nga nakit-an sila sa korte nga sad-an sa pagsupak sa section 3 (e) sa Anti-Graft and Corrupt Practices Act ingon man sa malversation of public funds ug falsification of documents subay sa Revised Penal Code.
Unang nahuptan sa korte ang depensa ni Ocampos kinsa kanhi usab gobernadorr sa probinsya nga napatuman ang proyekto apan sa pagsusi,dili tinood rason nga bakak nga adunay napahigayon nga pagpanghatag sa business starter kits.
Nadiskobre nga adunay hiniusang maniobra sa maong lakang aron mapasayon ang paglugwa sa PDAF funds hinungdang nangakasuhan ang mga akusado.
Tungod niini,pahamtangan sa unom ngadto 10 ka tuig nga pagka-priso ang mga sinumbong sa kasong kurapsyon.
Pagkapriso sa laing upat ngadto napulo ka tuig sa malversation conviction ug dugang duha hangtod walo alang usab sa falsification batom sa mga sinumbong.
Gipabayad usab sila sa 2.1 million pesos ngadto sa Bureau of Treasury ug gipahamtangan sa perpetual disqualification nga makahupot pa sa bisan unsa nga pampublikong trabaho sa gobierno.
Sa pagkutlo ning balita, anaa wala pa’y komento ang maong mga personalidad apan gilauman nga sila moduso sa ilang tagsa-tagsa ka motion for reconsideration o molahos na sa Korte Suprema aron kuwestiyon ang hukom sa Sandigabayan.
