CAGAYAN DE ORO CITY- Gikompirmar sa Police Regional Office -10 ang pagkasikop ni kanhi Misamis Oriental Governor Antonio Calingin.
Namahayag si Police Lt. Col Surki Serenias, tigpamaba sa PRO-10 nga mga elemento sa Criminal Investigation and Detention Group o CIDG ang misilbi sa warrant of arrest sa panimalay ni Calingin sa Malitbong,Bukidnon kaganihang kadlawon.
Samaron ang kanhi gobernador human nagdumili kini masikop sa CIDG.
Una niini, nagsumikad ang kaso ni Calingin sa anomaloso nga housing project nga naka-rehistro sa iyang ngalan diin napamatud-an sa Sandiganbayan nga gibulsa niini ang sa P7-milyon.
Nag-atubang sa 15 ka ihap sa kasong graft si Calingin diin gisilotan sa korte sa 90 hangtud 120 ka tuig nga pagka-priso sa korte o life imprisonment.
Samtang hulaton sa Misamis Oriental Police Provincial Office ang report nga i-submitar kanila sa CIDG kalabot sa pagdakop kang Calingin sa Bukidnon kagahapon sa kadlawon.
Sa interbyu sa Bombo Radyo, gibutyag ni Misamis Oriental Police Provincial Office spokesperson Lt. Princess Enriquez nga nangayo sila’g police report gikan sa Claveria PNP apan wala sila mahatagi tungod kay dili kini ang naglusob apan CIDG.
Wala usab gikompirmar ni Enriquez kon gidakop ba ang si Calingin sulod sa ilang panimalay.
