CAGAYAN DE ORO CITY-Kasuhan sa kapolisan sa pagbaligya ug paghupot sa gidiling droga ang babaye nga kanhi piniriso sa Misamis Oriental Provincial Jail ning syudad.
Kini human nasikop pinaagi sa buy bust operation ang suspek nga si Zaida Marapong,47 anyos nga taga-Iligan City diha sa capitol grounds kagahapon sa buntag.
Miingon si SPO2 Luisto Ugat sa Agora Police Station nga gikan sa suspek ang 25 gramos nga gitoohang shabu nga dunay bana-banang balor 175-mil pesos.
Una usab niini,giangkon ni Marapong nga namaligya kini’g gidiling droga bugti sa salapi nga iyang madawat isip bahin gikan sa nagpadala kaniya gikan sa Marawi City.
