CAGAYAN DE ORO CITY-Dili makapahuyang sa kaso ang pag-negatibo sa parrafin test sa kanhi brgy kapitan ug laing duha kauban nga suspek pag-ambush sa magtiayong Nilda ug Eliezer Zafra sa Malanang,Opol,Misamis Oriental.
Kini human una nang nakasuhan sa murder si kanhi Malanang Brgy Kapitan Seno Dragon ingon man ang duha ka tawo niini isip prime suspects sa kamatayon ni Eliezer sa miaging semana.
Miingon si Opol Police Station commander Sr/Insp Dennis Flores nga itugyan na lamang nila sa prosekusyon ang pagpalig-on sa kaso nga naduso na nila sa piskalya sa miaging adlaw.
Si Dragon ang napildi pagka-brgy kapitan ni Nilda Zafra atol sa Brgy ug SK elections niadtong Mayo 14 ning tuiga.
