CAGAYAN DE ORO CITY-Atubangon sa kanhi municipal kagawad ang patung-patong nga kasong kriminal human masikop sa joint operation sa CIDG-10 ug Provincial Drug Enforcement Unit sa Misamis Oriental PNP diha sa Purok 2,Brgy Mantangale,Balingoan ning lalawigan.
Kini human makuhai’g 9mm pistol,daghang mga bala ug 5 ka sachets sa gitoohang shabu sa pinuy-anan niini.
Gibutyag C/Insp Esperidion Biado III kinsa hepe sa Misamis Oriental Provincial Drug Enforcement Unit nga detinado na ang suspek nga si Richard Gepte sa mini-cell sa CIDG-El Salvador City.
Una niini,gi-reklamo sa mga residente si Gepte tungod sa giingong mga abuso hinungdan naglugwa sa search warrant si RTC Branch 43 Presiding Judge Mirabeaus Undalok aron rondahon ang pinuy-anan niini kagahapon sa kadlawon.
