CAGAYAN DE ORO CITY-Gipamugos ni kanhi Libertad Mayor Alberto Acain nga walay ilegal sa ilang pagpalit sa dul-ag 5 milyones pesos nga balor sa abono nga gihatag sa mga mag-uuma sa iyang lungsod sa Misamis Oriental.
Kini human gisaka na sa Ombudsman ang duha ka ihap sa kasong kurapsyon didto sa Sandiganbayan.
Gibutyag sa abogado ni Acain nga si Atty Melchor Cubillo nga wala sila’y dakong kasupakan kon ugaling kini ang gipamugos sa Ombudsman.
Una nang gibasura sa Ombudsman ang motion for reconsideration o MR ni Acain hinungdan midangop sila sa Court of Appeals o CA ug miduso usab sa piyansa alang sa ilang temporaryong kagawasan.
Gawas kang Acain,susamang mga kaso usab batok sa 7 ka miembro sa bids and awards committee o BAC nga mi-rekomendar sa maong transaksyon.
