CAGAYAN DE ORO CITY-Gilangkat sa Ombudsman sa puwesto si kanhi Jasaan Mayor Grace Jardin ug ang naglangkob sa Bids and Awards Committee o BAC sa Misamis Oriental.
Kini human nakit-an nga dunay basehan ang pasangil nga adunay anomaliya ang pagtrabaho sa road concreting project sa Sitio Igpit,Brgy Luz Banzon sa maong lungsod.
Miingon si DILG Provincial Director Edward Bhagwagni nga gimanduan si Jardin nga bayaran balor sa usa ka tuig nga suhulan niini ang iyang monetary penalty.
Kini tungod kay dili na siya matangtang pa sa puwesto kay dili na kini aktibo sa serbisyo.
Giklaro ni Bhaghwani nga maoy madutlan sa dismissal order sila si BAC chairperson Leo Casiño, vice-Chairperson Mark Allan Bagayna, members Liza Gaurana, Emrick Tabequero, Arlene Dacoco ug Warren Gaurana.
Una niini,nadiskobrehan sa Ombudsman nga dili patas ang public bidding ang gihimo sa BAC diin usa ka contractor lamang ang ilang gihatagan sa kontrata sa proyekto.
