CAGAYAN DE ORO CITY –Giaghat sa kanhi NPA commander nga si Rolando Daluniag alyas Ambo ang iyang mga nabilin nga kaubanan nga hingpit nang talikdan ang armadong pakigbisog nga nagdugang lamang sa ilang kalisdanan diha sa kabukiran.
Gihimo ni alyas Ambo kinsa kanhi kumander sa Headquarters Force Neo ang pag-aghat human sila nagsugod na’g dawat sa livelihood program ubos saa E-CLIP sa gobierno.
Una nang mitahan si Ambo tungod kay wala gihapo’y direksyon ang iyang kinabuhi samtang anaa sa kalihukan sa Bukidnon niadtong Marso 20 ning tuiga.
Samtang gipamatud-an sa 4th ID,Philippine Army nga dili imbento apan aktuwal nga mga rebeldeng NPA ang mibalik sa gobierno sukwahi sa gipatoo sa CPP.
Kini ang katin-awan ni 4th ID commander Maj Gen Andres Centino nunot sa sunod-sunod nga pagtahan sa NPA combatants nga gikan sa Bukidnon.
Miingon si Centino nga pagtahan sama kang Daluniag ang pagmatoood nga nagkahuyang na ang puwersa sa CPP-NPA nga gitratar sa gobierno nga dakong bahad sa kalambuan sa nasud.
