CAGAYAN DE ORO CITY – Nadakpan kay gisilbihan sa arrest warrant sa 1001st Mobile Company ubos sa Regional Mobile Force Batallion 10 ang kanhi dakong opisyal sa Communist Party of the Philippines -New People’s Army o CPP-NPA sulod mismo sa selda sa Lumbia City Jail ning syudad.
Kini tungod sa giatubang nga kasong murder sa korte ni alyas Mosong kinsa nagsibling kalihim-heneral sa Sub-Regional Committee 1 ubos sa North Central Mindanao Regional Committee.
Sa gitaho ni Police Regional Office 10 Director Brig Gen Jaysen De Guzman nga naglihok ang maong kanhi rebelde sa pipila ka bahin sa Mindanao sanglit nagpuyo kini sa Brgy San Luis,Gingoog City,Misamis Oriental.
Namahayag si De Guzman nga gisilbi nila ang warrant of arrest sa pagpasabot nga walay gipili ang pagpatuman sa balaod.
