CAGAYAN DE ORO CITY – Gi-defer una sa konseho ang hingpit nga pag-ila kang ABC President/ex-officio member Marlo Tabac.
Kini human gisugyot ni kanhi ABC president ug incumbent City Councilor Alam Lim ang duha ka semana nga pagpamalandong sa mga konsehal kung angay ilhon nga legal ang presensiya ni Tabac sa konseho.
Apan misugyot ang laing mga konsehal nga dili duha apan usa ka semana lang nga maoy giuyunan sa mayoriya sa konseho.
Una niini,nagdumili pag-ila ang mga alyado ni Alam sa pagka-presidente ni Tabac taliwala nga nakuha na niya ang certificate of confirmation sa Liga-National alang sa iyang bag-ong tahas.
Dugtong usab niini,gi-leksyuran ni Kagawad Atty. Edgar Cabanlas ang iyang mga kauban nga sundon na ang balaod nga naghatag kang Tabac sa maong gimbuhaton.
Kini tungod kay wala sa katungod sa konseho ang mobalibad sa unsay mando sa balaod.
