CAGAYAN DE ORO CITY- Gitun-an karon ni kanhi Pangulong Noynoy Aquino ang mga sunod nga lakang legal kabahin sa mga kaso nga ipasaka sa Ombudsman tungod sa pagkamatay sa 44 ka miembro sa PNP’s Special Action Force o SAF sa lungsod sa Mamasapano,Maguindanao.
Kini human hawid ug nabasa na ni Aquino ang resolution sa Ombudsman diin direktang gibasura ang iyang apela nga dili unta ipasaka ang kasong usurpation of authority ug graft and corruption nga gitakdang isaka sa Sandiganbayan.
Sa paghinabi sa Bombo Radyo,gibutyag sa tigpamaba ni Aquino nga si Atty Abigail Valte nga nag-unang tumong sa pagtigm sa legal team nila nga mapangandaman ang mga lakang nga mahimo nila nga magamit sa oras nga ipatawag na sa Sandiganbayan.
Gibutyag ni Valte nga mismo usab si Aquino ang naglusad sa mga pagsusi ug konsultasyon aron mapalig-on ang ilang himoong depensa batok sa mga atubangon nga kaso.
Gisulti sa kanhi tigpamba sa Malakanyang nga dili una nila mabutyag ang mga legal remedy ni Aquino ilabina nga gitun-a’g maayo ning panahona.
Una nang gipamugos ni Morales nga angay kasuhan si Aquino sa Sandigabayan tungod sa pagtugot niini nga magamit ang serbisyo sa gisuspenso kaniadto nga si dismissed PNP chief Director General Alan Purisima nga malusad ang ‘Oplan Exodus’ diin nagresulta sa dakong ihap sa government forces casualties.
Hisayrang gimando ni Aquino kaniadto nga ipasikop si Indonesian bomber Zulkifli Binhir alyas Marwan kuyog si Usman Basit apan nahimong dugu-ong dihang mipalpak ang dakong bahin sa operasyon.
