Mapriso hangtud mahuman ang Quadrupole hearing sa extra judicial killing ug war on drugs sa Duterte administration si kanhi Philippine Charity Sweepstakes Office General Manager ug ex-Cebu City Police Director – Colonel Royina Garma.
Kini human gigisa’g maayo ni Abang Lingkod Representative Joseph Stephen Paduano si Garma kung unsa ka dako ang iyang partisipasyon sa pagpatay sa tulo ka Chinese nationals nga gitumbok isip drug syndicates nga gipaslak niadto sa Davao Prison and Penal Farm.
Unang na mihungaw ang ngalan sa retireradong colonel, dihang gitumbok ni kanhi Davao Prison and Penal Farm officer-in-charge Gerardo Padilla nga si Garma ang mitawag kaniya sa telepono aron dili kuwestiyonon ang kill order sa tulo ka Chinese drug syndicates nga gipriso sa Davao.
Kanunay usab daw kining gabisita sa iyang kanhi PNPA Classmate nga si former PNP officer ug inmate Jimmy Fortaleza.
Si Fortaleza, mitug-an nga matood ang report sa iyang kaubang piniriso nga sila Leopoldo Tan ug Fernando Magdadaro nga sila ang gimanduan nga ipapatay nila Chu Kin Tung, Li La Yan ug Wong Meng Pin ikibali ang pagbuhi kanila gawas sa prisohan.(Bombo Anne Quileste).
