CAGAYAN DE ORO CITY – Gikompirmar ni Executive Secretary Salvador Medialdea nga gitudlo ni Presidente Rodrigo Duterte si outgoing Philippine Drug Enforcement Agency (PDEA) chief Aaron Aquino isip hepe sa Clark International Airport Corporation (CIAC).
Nunot kini sa pagkatudlo kang PDEA Northern Mindanao head Wilkins Villanueva isip bag-ong director general sa PDEA.
Duha ka tuig nga nagserbisyo si Aquino isip PDEA chief ayha nabalhin sa CIAC.
Samtang, gidayeg ni presidential spokesperson Harry Roque ang “immense contribution” ni outgoing PDEA chief sa kampanya sa administrasyon batok sa iligal nga droga.
