CAGAYAN DE ORO CITY -Patay sa joint operation ang usa ka drugista human misukol sa buy-bust operation diha sa may Laguindingan, Misamis Oriental.
Giila ang namatay nga si Clint Valle, hingkod ang panuigon ug residente sa Barangay Sinai, Laguindingan Misamis Oriental.
Sumala pa ni Misamis Oriental Provincial Police Office spokesperson Police Inspector Princess Joy Enriquez nga misukol ang target suspek sa operasyon nga gihimo sa Laguindingan Municipal Police Station, Alubijid Municipal Police Station ug Provincial Drug Enforcement Unit.
Dugang niini nga DI listed ang suspek ug dugay na nga gimonitor sa mga operatiba ang illegal nga kalihukan niini.
