CAGAYAN DE ORO CITY – Gusto na sa korte nga ibalhin sa regular nga prisohan ang tulo ka kanhi kadete nga mga akusado sa pagpatay kang late PMA Cadet 4th Class Darwin Dormitorio didto sa Baguio City.
Kini human nagpagawas ang naghawid nga korte sa commitment order aron hingpit kuhaon sa kustodiya sa AFP ang mga kanhi kadete nga sila si Shalimar Imperial Jr, Felix Lumbag Jr, ug Julius Carlo Tadena.
Miingon si Baguio City Police Office Director Col Allen Rae Co nga wala usab madayon ang pagbasa sa kasong murder ug violation sa anti-hazing law batok sa mga akusado kagahapong adlawa.
Silang tulo ang prime accused kon nganong namatay sa kulata si Dormitorio sulod sa PMA niadtong Setyembre 18,2019.
