Gihagit ni kanhi PNP Chief ug karon Senador Ronald Bato dela Rosa si Philippine Amusement and Gaming Corporation Senior Vice President Raul Villanueva nga nganlanan ang kanhi PNP Chief nga mitabang kang Guo Hua Ping, alyas ex-Bamban Tarlac Mayor Alice Guo sa pagsibat sa Pilipinas.
Gihimo ni Dela Rosa ang hagit aron limpyuhan ang iyang ngalan nga unang gisuspetsahan nga usa sa mitabang kang Guo.
Miingon ang senador nga kinahanglan ipagawas ang kamatuoran kabahin niini.
Kini aron dili mabulit sa pagduda ang katawhan batok kaniya.
Kahinumduman nga sa unang adlaw sa pagresume sa kaso ni Guo, sukad siya nadeport sa Indonesia, padayong nagpakahilom kini kung kinsa ang mga tawong mi-asister kaniya sa pagsibat sa nasud.(Bombo Anne Quileste).
