Nabulgar nga dunay naghatag proteksyon nga kanhi PNP chief ngadto kang kanhi Bamban Mayor Alice Guo.
Kini nunot sa padayong pagdungog sa senado kabahin sa kalambigitan ni Guo sa mga kalihukan sa POGO ug ang pagsibat niini padulong sa Indonesia.
Mismo si PAGCOR Senior Vice Pres Retired General Raul Villanueva ang mibulgar niini atubangan sa komitiba ni Sen Risa Hontiveros kabahin sa proteksyon nga nadawatan ni Guo.
Gilayong usab nga gipangutana ni Sen Bato de la Rosa si Guo kon kinsa ang maong kanhi PNP chief apan walay nakuha nga tubag kabahin niini sa hearing kagahapong adlawa.
Gihimo ni De la Rosa ang gilayong pangutana kay nagsilbi usab kining kanhi PNP chief sa panahon ni former Pres. Rodrigo Duterte.
Hisayrang sa maong expose, naka-payroll daw ang maong kanhi PNP chief bugti sa proteksyon sa mga kalihukan ni Guo.
