CAGAYAN DE ORO CITY, Philippines – Andam si kanhi Presidente Rodrigo Roa Duterte nga mutambong sa pagdungog sa Quadrupole Committee sa Kamarabaha.
Namahayag si Duterte nga tahuron niya ang mando sa kamara tungod kay dili na siya presidente ug usa na lamang ka sibilyan.
Sa pagkakaron, wala pay kompirmasyon kung nadawat na ba sa kampo ni Duterte ang pormal nga imbitasyon nga gipadala kaniya sa Quadcom aron tubagon ang mga alegasyon nga siya ang utok sa duguong War On Drugs nga unang nasugdan, Mayo 2016 ug natak-upan Mayo 2022.
Si Duterte ang gitudlo nga mipatay sa kapin 30,000 ka mga pusher, drug addicts, protectors ug drug lords nga misukol sa gilusad nga pagsikop ug pagronda sa managlahing law enforcement units sa tibook Pilipinas.
Gi-ingong si retired police Colonel Royina Garma maoy nagpalig-on sa imbestigasyon sa summary o Extra Judicial Killings (EJK) sa Quadcom sa Kamara.
