Mikusog ang hugon-hugon nga giingong dakpon na sa International Criminal Court o ICC si kanhi Pres Rodrigo Duterte.
Kini human daghang mga pulis nga naghulat kang Duterte sa terminal 3 sa Ninoy Aquino International Airport sa Pasay City sa pagtugpa sa gisakyan niya nga eroplano gikan sa pagbisita sa HongKong.
Nakit-an sa sulod sa tugpahanan ang mga alyado ni Duterte nga sila Senador Bong Bo,Atty. Silvestre Bello III,Atty. Vic Rodriguez nga naghulat kaniya sa paghidangat sa arrival area.
Subay usab sa Bombo Makati News Team coverage,nasiplatan ang presensiya ni PNP chief Gen. Rommel Marbil ug ubang mga pulis nga hayan modakop kaniya.
Subay usab sa ubang tinubdan, giingong kuyog ni Marbil ang representante gikan sa International Police o InterPol.
Sa laing inisyal nga impormasyon,giingong nakabiya na si Duterte gikan sa VIP lounge sakay sa usa ka coaster diin wala pa masayri kung asa kini dad-on.
Mitugpa ang gisakyang eroplano ni Duterte sa NAIA terminal 3 kaganiha pang 9:20 sa buntag.
Taliwala niini, wala pa’y bisan unsa nga kompirmasyon ang Makalanyang kabahin sa taho nga gidakop si Duterte.
