Gideklarar ni Senador Robinhood Padilla si kanhi Pangulong Rodrigo Duterte isip “makabagong bayani” tungod sa iyang baruganan batok sa mga langyaw nga buot manghilabot sa nasud.
Gihimo sa senador ang maong pamahayag atol sa pormal nga pag-asumir ni Davao City Mayor Baste Duterte isip bag-ong Party President sa PDP niadtong sabado.
Matud ni Padilla, ang baruganan sa kanhi pangulo maoy simbolo sa tinuod nga kagawasan ug pagpanalipod sa interes sa katawhang Pilipino.
Kahinumdoman nga pabilin karong anaa sa kustudiya sa International Criminal Court o ICC sa The Hague ang kanhi pangulo may kalabutan sa kasong “crimes against humanity.”
Bisan pa sa iyang pagka-detain, nagpabilin ang hugot nga suporta sa iyang mga alyado kinsa naglantaw kaniya nga usa ka haligi sa modernong kasaysayan sa Pilipinas. (Jane Abulag)
