CAGAYAN DE ORO CITY – Gisakay na sa eroplano si kanhi Pres Rodrigo Duterte nga maoy mohatod kaniya padulong sa The Hague,Netherlands.
Kini subay sa gihimong pagtutok sa Bombo Radyo News Team gawas sa Villamor Airbase sa Pasay City diin gidala si Duterte sukad pa kaganihang buntag.
Makita sa video footage si PNP-CIDG chief Major General Nicholas Torre III ingon man ang pipila ka abogado ni Duterte sakay sa eroplano.
Samtang sa pikas bahin,gihulat usab sa panig ni Duterte nga adunay ilugwa nga pabor nga hukom sa gikan sa korte suprema.
Kini tungod kay mihangyo sila nga pugngan ang mga lakang nga gihimo sa International Criminal Court o ICC batok kaniya.
Hisayrang nagsumikad ang mando sa ICC arrest tungod sa crime against humanity case nga giatubang ni Duterte sukad tuig 2017.
