CAGAYAN DE ORO CITY- Patay sa drug buy bust operation ang kanhi piniriso nga suspek sa pagpusil-patay sa anak sa kanhi sundalo sa Brgy Camaman-an ning syudad sa miaging adlaw sa Vamenta Subdibvision,Brgy Barra, Opol Misamis Oriental kagabii.
Giila ni City Police Director Col Henry Dampal ang suspek nga si Maingko Alinog alyas Mike Taba, hingkod ang panuigon ug suspek nga taga-Sitio Pinikitan,Brgy Camaman-an sa syudad.
Miingon si Dampal nga napugos ang mga operatiba sa City Drug Enforcement o CDEU ug Opol Police Station pagpusil kang Alinog dihang misukol nga gikaangol sa tulo ka police officers.
Si Alinog ang nakasuhan sa murder sa Cogon Police Station tungod sa pagsilbing suspek sa kamatayon ni John Mark Lagumbay ning syudad sa miaging adlaw.
Dili tiaw ang gibati nga kahadlok sa pipila ka residente sa pagpinusilay sa tali sa suspek ug kapolisan sa Vamenta Subdibvision, Barra,Opol, Misamis Oriental kagabii.Kini human kalit misulod sa balay ang suspected drug pusher Maingko Alinog alyas Mike Taba dihang tuyo nang nadakpon sa
joint operation sa kapolisan sa syudad ug lalawigan.Gibutyag sa testigo nga si Jamil Talong nga nakaabot ang suspek sa ilang lugar kay nagpatoo kini
nga mangabang sa balay nga iyang kapuy-an.Giklaro usab nila nga walay pagpang hostage nga nahitabo sukwahi sa mga migawas nga report.(VCz.1
CUE…OUT).Ang pahayag sa testigo nga si Jamil Talong.
