CAGAYAN DE ORO CITY, Philippines – Pormal nga giimbitar si kanhi Presidente Rodrigo Duterte sa pagtambong sa joint public hearing sa Committees on Dangerous Drugs, Public Order & Safety, Human Rights and Public Accounts of the House of Representatives (QuadComm) Oktubre 22, aron matubag ang mga isyu nga may kalabotan sa sa duguong “war on drugs” sa iyang administrasyon.
Sa sulat nga pinetsahan sa Oktubre 18, ang representante sa 2nd District sa Surigao del Norte nga si Robert Ace S. Barbers, kinsa maoy chairman sa Committee on Dangerous Drugs, mihangyo kang Duterte sa pagtambong sa inquiry, in aid of legislation, sa Martes, sa alas 9:30 sa buntag sa People’s Center Building, House of Representatives sa Quezon City.
Si Duterte giimbitar sa paghatag sa “bililhon nga mga panabut ug paghatag kahayag sa mga isyu nga gihisgutan ilabina sa extra-judicial killings” nga giingong nahimo sa panahon sa administrasyon.
