CAGAYAN DE ORO CITY, Philippines – Gikondinar ni kanhi Presidente Rodrigo Duterte ang pag-atake sa kapin 2,000 ka miyembro sa Police Regional Office 11 sa Kingdom of Jesus Christ Compound sa Buhangin District, Davao City, kagahapon.
Si Duterte, kinsa nakabase sa maoy syudad, miingon nga salawayon ang gihimo sa grupo ni PRO-11 Regional Director Gen. Nicolas Torre III human miresulta ang pag-isyu sa warrant of arrest sa pagkamatay sa usa ka miyembro sa KOJC, ug pagkasamaran sa daghang miyembro sa simbahan.
Gihimo sa kanhi presidente ang mga pamahayag pinaagi sa pagpost sa iyang official statement sa iyang verified social media account sa Meta.
Mipahidangat sa pahisubo ang kanhi presidente sa pamilya sa namatyan ug sa mga samaran sa gilusad nga atake sa PNP sulod sa coumpound nga gipanag-iya sa wanted person nga si Pastor Apollo Quiboloy.
