CAGAYAN DE ORO CITY -Gikompirmar ni City Mayor Rolando ‘Klarex’ Uy nga mobisita si kanhi Pres Rodrigo Duterte dinhi sa dakbayan.
Kini aron pormal nga dawaton ang simple nga pag-ila sa kanhi presidente nga ‘adopted son’ sa syudad.
Miingon ang mayor nga pagdawat kang Duterte isip anak sa syudad ang pag-ila sa dako niini nga kontribusyon sulod sa unom ka tuig nga pagdumala sa nasud partikular sa pakiggubat batok sa ilegal nga droga.
Kini ang hinungdan nga mihangyo ang mayor sa konseho nga dunay ipasar nga resolusyon nga maghatag sa dakong pag-ila kang Duterte ug bisan kang Senator Christopher ‘Bong’ Go isip adopted sons sa dakbayan.
